Lida Lazaj - NJË PIKËL FARFURITËSE

Lida Lazaj

NJË PIKËL FARFURITËSE          

(mendime ne ditën e lindjes sime)

Të prita kot

dhe pse e dija që nuk do vije

në ditën e festës sime 

me lule e zogj

Kjo ditë që fal

puthje urime

duart e mija

aroma e tinguj

i mbushi plot

M`bëhej se isha

një degëz` kumbulle

një këngë malli

një manushaqe

një pikël farfuritëse mbi glob

Sivjet

më shumë se vjet

besoj se 

nuk jam krijuar prej njeriu

porse, era kushedi në ç`trajtë 

e kopësht jete më mbolli

a në sqep të artë më solli një zog 

Sivjet

njësoj si vjet

kështu përherë

nuk kish se si të ndodhte ndryshe

të prita kot,

më shumë se ti,

mua më do një dallëndyshe.