Skënder Rusi - KRIJUESI

Skënder Rusi

KRIJUESI

Nuk e kam bërë unë
                   këtë botë,
Të qe kështu
          do të ishte krejt tjetër!
Ferrit do t’ia merrja
                   të gjithë rrathët
Dhe do t’i mbushja me njerëz!
 
 Nuk e kam   në dorë
                   fundin e saj,
(Ashtu si nuk kam pasur
                   as fillimin!)
As diellin unë nuk mund
                             ta ndal,
Ai le të vazhdojë udhëtimin!
 
 Nuk e kam shëmtuar unë
                          këtë botë,
Por urrejtja që mes jush
                   kini futur!
Njerëz,që dini  kaq mire
se si kafshohet,
Duhet të dini më mire
                   si duhet puthur!