Vjollca Tiku - PETKU I DASHURISË

Vjollca Tiku 

PETKU I DASHURISË

E veshur me diell,
je ngrohtësia,

e veshur me hënë,
je shkëlqimi,

e veshur me puplajën e kaltër,
je fluturimi,

në kopsat ajrore,
je buzëqeshja,

në krahët e erës,
je ëndrra,

në nuancën e ndezur të polenit lulor,
je bukuria,

në yllin e parë të mbrëmjes,
je puthja,

në yllin polar të mëngjesit,
je vesa,

në valët e detit,
je pulsi,

je aurora e agimit njerëzor.

*        *        *
Pa ty dashuri,
Dielli do ngurtësohej,
hëna do ish e zezë,
yjet do fundoseshin në një kupë hapësire,
për të rilindur në tjetër galaktikë.
Flaka e bardhë e dritës
do shuhej,
nata do shpërthente
mina shtëllungash errësire.
Pa ty dashuri jeta do flinte pa zgjim,

ndaj ti je mjalti i hojeve të dritës...