Angjelina K. Bardhaj - SHIU I VERËS

Angjelina K. Bardhaj

SHIU I VERËS

Shiu i verës derdhet
Si qumësht,
Piklon mbi trupderdhurën
Sypërhumbur,
Që lotin e mban në grusht.

Lag fustanin e tejdukshëm
Dhe e lëpin për trup.
Unë bëj hapa të lehtë drejtë tij,
E drojtur dhe pa ngut.
Lag pushin e verdhë të gjymtyrëve
Ngjyrosur nga rrezet e diellit...
Mbi buzët - qërshiza të kuqe,
Mbretërinë e gjen vesa e prillit.

Shiu im i verës flet,
Cicërin ëmbël pa gjëmime,
Si flladi që vellon e bardhë hedh -
Puthje të vrullshme
Mbi trupin tim derdh.

Puthja rrëshqet mbi mua si mëndafsh,
Merr vesën mbi buzën që e bart,
Lundron e lirë stuhindjenja,
Valëzjarrin e shuan
Me tinguj rrezorë e të artë.

“Ngreu Drenushë!...
Lumbardha ime,
E imja ShënMëria,
Jetoje jetën,
Tingull - ngjyrshëm,
Kitara e ndjenjave të mia!...“