Alili Dase
ÇILTËRSIA E DASHURISË
Heshtja mbizotëronte, syshigjetat xixëlluan!...
mijëra fjalë reshtën në dashuri kulluar...
rendën dhe endën fjalë të ëmbla-parimësi,
thurën si gjerdan ëndrra në simbiozën dashuri.
Ndjenjën e brishtë të saj bashkuan në përjetësi
Në pafundësinë e valës, në detin e shpirtit tim
ndaloj dallgëpritjen, kujtimet dhe nostalgjinë,
në shpirtin e mekur në të tijën pafundësi...
kërkoj algëkuqen ta shijojmë bashkë të dy
Në shtigjet e jetës do të rresht pa u ndal
në skaj - cep të botës të kërkoj dorën e saj,
të end dashurinë në gërshet mëndafshi,
të loz tinguj manar blegëruar me ndjenjë afshi.
lumturinë e dashurisë askush nuk e shijon,
nëse ndjenjën e Zemrës në çiltërsi nuk e kullon.
No comments:
Post a Comment