Vjollca Tiku - FEMIJE APO PLEQ

 
 Vjollca Tiku

FEMIJE APO PLEQ

Fëmijë apo pleq brenda fëmijërisë.
Rudha ag që veshin cipën e fëmijërisë,
brinjët e holla si telat rrethues të burgut,

vurratë varfërie,
sytë si ullinj të zbehtë,
gapërrojnë fëmijërinë e jetës ,…
ç’trill i shuar i kohës...
kotheret e plehrave dhe thërrimet

janë barku i panginjur.
Erë ethesh që zhurmon 

në barangat e kalbura të mjerimit.
Retë e brengosura hanë zemrën e qiellit.
Gojët e panumërta presin...

Duar të shtrira që në breng te mitrës.
Djepe që përkundin dhimbjet,
marrin zhurmën e dheut të jetës pa jetë.
Dielli si një shalqi i prerë në dysh është falas.
Hëna si një bukë e artë në mësallën e zezë

është falas.
Shpresa e të mjerëve dështon,
kur sytë shuhen në agoni.
Yjet e zinj nga qielli vështrojnë tokën...

dikur ishin banues të saj...