Fatbardha M. Xhani - PËR TU DASHUR SËRISH...

 

Fatbardha M. Xhani

PËR TU DASHUR SËRISH...

 
Është diku,
një liqen i purpurt
një varkë e kaltër

dhe një perëndim ngjyrë all...

Janë dhe ca zogj zëbutë
ca flutura pusharta
edhe ca lule me kërcell
të hollë... por edhe frute plot lëng!

Një mbrëmje
do të shkojmë atje, zemra ime,
të flasim për kohët
që dot s'i jetuam kurrë...

E të gjejmë njëmijë arsye
për tu dashur sërish...!!