Kostaq Mizaku - ZJARRI I YJEVE

Kostaq Mizaku

ZJARRI I YJEVE

   

Kisha në dorë zjarrin e yjeve 

Kur ishim bashkë .

E ishte bukur,

Gjithë zogjtë e pyllit këndonin vetëm për mua .

Por ah ajo kukuvajka e orës !

Si se prisha më parë atë orë të zezë ?

Katër herë këndoi e ndali pak të të shihte

Sikur ta dinte

Se s’do të të gjente më

Deri në pesë.

Tani zjarri  i yjeve

S’duket gjëkund.

E morën urithët thanë

Të ndezin qirinj tjetërkund.

Lediana Kapaj - DUA TË DEHEM

Lediana Kapaj

DUA TË DEHEM

Dua t'i hap kanat dritaret,
të ndiej flladin e ri,
Të shkoj nëpër një rrugë
ku gumёzhijnё bletёt,
Të dehem me një mik tё vjetёr,
të flas ose të hesht,
Të ndiej se jo vetёm unё,
por dhe ju keni derte!
Dua ta shoh veten në sy të pastër
që më shohin pa lakmi,
E t’u them se shkoi dhe kjo ditё
kur qenve u mungoi lehja…
Ah, sikur tё ishte kёshtu,
do tё isha bёrё tapё,
Sigurisht, … nё se e tillё
do tё kishte qenё dehja!

Liljana Furxhi - PREDHA NË KËMBËT E BABAIT

Liljana Furxhi

PREDHA NË KËMBËT E BABAIT

Gërmoja sëndukun në shtëpinë e vjetër,
te gjeja copëza nga jeta ime, harruar.
Me del përpara një copë letër e fshehur,
me ca pika gjaku ne fund te saj pikuar.

Qesha me veten e kthehem pas ne vite,
kur një djal’ i fshatit me thoshte :Të dua!
Dhe letrën e hodhi ne avllinë e shtëpisë,
te këmbët e tim eti, që qëronte një ftua.

E shikoj predhën ne këmbët e gjaknxehtit,
s'më ngeli me pik gjaku ne trupin e ngrirë.
Ben ta marrë im at, të shikojë, çfarë gjeti ?
Nena, magjistarja me fshesë e kishte fshirë.

Nuk më vrau rrufeja dhe predha nuk plasi.
E mira nëna ime, me zor e mbante gazin!...

Vjollca Tiku Pasku - UDHË E DHIMBJES

Vjollca Tiku Pasku

UDHË E DHIMBJES

Lamtumirë shtëpiza ime,
kolona që mbani qiellin brenda,
mure që mbani pore të fëmijërisë,
dhe ti o portë me vijëzime arkaike.

Lamtumirë strehëza ime e artë,
po marr udhën e gjatë të kurbetit,
ngricën athëtime të varfërisë,
ta zbut me stufën e diellit të brishtë.

Lamtumirë trëndafil I shpirtit tim,
me fletë yjesh dhe zemër hëne,
mos ndje lotët e defit të dhimbjes,
më ndje puthjen dashurinë e zemrës.

Lamtimirë udhëza ime,
mos më thirrë në udhëkryqin tënd,
por më prit, se në u kthefsha gjallë,
do përulem të puth baltën në sytë e tu.

Përparim Hysi - LETËR DJALIT

  

Përparim Hysi

 LETËR   DJALIT *

Sot ti mbushe plot pesëdhjetë vjeç

Unë e mamaja urojmë të bëhesh plot njëqind

Festojmë. Po e ndjejmë tënden mungesë

Dhe fatin tonë mos e pastë asnjë prind.

Ti je larg. Atje ku perëndon dielli

Ne të kemi afër dhe për ty regëtijmë

Kemi vënë me mamanë  të dy krahëshpendi

Që godat e urimit me ty t'i tringëllijmë.

Sa vijmë e moshohemi. Si unë e  mamaja

S'ka ditë që me ty ne mos bisedojmë

Po si je me shëndet? Po gruaja? Po Alba?  **

Dhe ngashërehemi. Dot nuk gëzojmë.

Të kthehesh ? Oh, është krejt e pamundur

Ti je  vendosur atje përjetësisht

Çdo ditë që shkon, mamaja duke u lutur

Lotët kullojnë veç prej dashurisë.

Eh, djali ynë ! Të të prijë e mbara

Jetofsh i lumtur me gjithë familje

Bashkë me Albën veç ditë të bardha

Ditë të gëzuara... të gjitha DITËLINDJE.

* jeton në Florida prej vitit 1997

** Alba- mbesa ime që  më 27 qershor mbush 13 vjeç