Vjollca Tiku Pasku - MOTIVE

Vjollca Tiku Pasku

MOTIVE

Një lule mban mjaltin në barkun e bletës.
Një gjethe mban diellin në damarët e jetës.
Ngjyrat e trëndafilave mbajnë fjalët sekrete të rëna në tokë.
Një violinë mban rapsodinë e zogjve që qeshin e qajnë.
Një vals syqeshur mban fragmente të shpirtrave që e vallëzuan.
Zambakët e agimit mbajnë zgjimet njerëzore.
Dallëndyshet mbajnë zërin e pranverës.
Lulet mbajnë frymën e engjëjve.
Deti mban ngjyrën e syve të qiellit.
Koralet mbajnë kujtimet  minerare të  shpirtit.
Ylberi mban pajtimin e qiellit e tokës pas stuhisë.
Yjet mbajnë flakën e të dashuruarve.
Një vështrim  mban një central drite në sytë e dashuruar.
Lumturia mban një çast parfumin universal të dëshirës së shpirtit.
Ndjenja e dashurisë mban rininë e përjetshme të njomështisë  së shpirtit.