Agim Bacelli - S'KA ASGJË TË VËRTETË...

Agim Bacelli

S'KA ASGJË TË VËRTETË...

Nganjëherë dikush më quan të çmendur,

Dikush tjetër pa turp thotë se jam i lig.

Se jam veç një maskara, më thonë dendur,

Se jam me djallin e nga Zoti s'kam frikë!

Ata që më lavdërojnë janë fare pak',

Nganjëherë edhe ata bëhen si sharësit

Sapo mendojnë se jam veç një matuf plak,

Se jam i marrë q'i këndoj Hënë-Marsit!

S'mërzitem. Kështu ngjet me të gjithë ata

Kush për vete mendon se është një poet.

Le t'ë çirren, fundja s' është ndonjë hata,

Në këtë botë s'ka asgjë të vërtetë!