Alexandra Adami
SIMFONI KAMBANASH
Qielli u hap, rrufeja trokiti,
me simfoni kambanash shiu zbriti,
nuk ishte shi, por ishin lot,
lotët e Zotit që qante sot...
Birin e tij gozhduan në shkop,
ca njerëz të egër edhe mizor.
Por ai s’foli nuk tha asnjë fjalë,
shpirtin e tij la të dal me ngadalë.
Jetën e tij e dha për të gjithë ne,
duroi dhimbje, ofendime gjer në re,
me lotët që rridhnin nga qielli si shi,
zoti tregoi dhimbjen e madhe të tij...
No comments:
Post a Comment