Edmond Shallvari
LERE…
Lere ujin turbulluar
E pastron veten e vet
Lere qiellin re mbuluar
E di veten si e zhvesh.
Lere diellin perëndimit
E di vetë lindjen e tij
Lere dimrin e thëllimit
E di vera si e shkrin.
Lere natën errësirë
E dinë yjet edhe Hëna
T’i rrinë ndezur si kandilë
Të ndriçojnë të tuat ëndrra.
Veç një gjë në jetë mos lerë
Veten tënde, poshtë të bjerë.
No comments:
Post a Comment