Kaman Myftaraj
ERDHI PRANVERA NË GËMUSHA
Poshtë një gëmushe që bën gjumin e dimrit,
Çelën manushaqet dhe vendi kundërmoj.
E dehur nga aroma, gëmusha hapi qerpikët e sythit
Dhe bashkë me manushaqet nisën të kuvendojnë.
Jam e para mes shumë lulesh, që sjell pranverën,
Tha manushaqja e bukur e mbushur plot aromë,
Pas meje te tjerat si mozaik lëndinat i qëndisin ,
Të vijnë çiftet të argëtohen të nisin të dashurojnë.
Me ne bëhen kurorat që dehin bukuroshet,
Me ne qëndisen veshjet që bukurinë atyre u shtojnë,
Me ne edhe vetë natyra, si nuset zbukurohet,
Ne vetë jemi jetëshkurtër, por juve jetën u zgjatojmë.
No comments:
Post a Comment