Dorina V. Mushi
FJALA E SHPIRTIT...
do e gjej një rrugë,
fshehtas të vij tek Ti...
Zemra...
shndërruar në burg,
me yllin e mbrëmjes,
do futem në gji.
Ndoshta...
do më ndjesh puhizë,
e ëmbël përkëdhel,
ndoshta...
gjak që lëviz,
në trupin tënd,
pa u ndjerë!
Në mëngjes...
me rrezen e diellit,
mbi sy do trokas,
ngjyrën...
do ia vjedh qiellit,
në ajër, për ty,
të humbas!
Erën...
shoqe do e bëj,
të hedh duart rreth teje,
poret e lekurës...
të gjitha do i zej,
të eci...
të më ndjesh nëpër deje!
Ndoshta...
s'do më ndjesh,
larg do qëndroj,
në qiellin blu,
do më kesh,
atje...
strukur për ty mburojë!
Ndoshta...
asnjëherë s'do ta dish,
por brenda teje...
jam shnëdrruar,
në gjak dhe mish!
No comments:
Post a Comment