Alma Alpina Begaj - Dy poezi

Alma Alpina Begaj

DET

I vetmi dashnor
që kurrë s’më tradhëton,
je ti Adriatik!

Më fton, më ndjell,
dimër edhe verë,
para teje të zhvishem lakuriq!

Je i vetmi, ti,
që hyn thellë trupit tim,
pa më lënduar e plot ëmbëlsi!

LOTË

Lotët e mi
do kthehen në gurë
kur tokën ta prekin.

Lotët e tu
janë margaritarë
kur zemrën ma prekin.

Lotët e shelgut
vajtojnë dashurinë e pamundur
të mjelmave të liqenit.

Lotët e qiellit
pastrojnë
sytë e diellit.

***
Lotët e fluturës
u kthyen në gur kur
ranë mbi akull.