Lumturi Ymeri (Bersava)
IMAGJINATË PERVËLUESE
Nën dritën e abazhurit sonte
cepin e jorganit tërhiqe,
hidhe tej,
mbulomë me frymën tënde!
Më vështro,
vendos gishtin mbi ballin tim,
përvijo konturet e lëkurës
sime!
lehtas mbi hundë,
mbi buzë,
shtyp lehtas,
bymimin e tyre të afshtë!
Ec,
Zbrit,
rrëshkit!
Dinakshëm si gjarpri.
... nën mjekër, në gushë
Largoi ato rripa mbetur
padashur naivitetit, veshur,
përdridhu rreth shegësh,
Prit, duro,
është ende herët,
mos u tundo!
Rrëshkit mbi butësinë e barkut,
ndalu tek ato kocka,
të epura të shtrëngohen,
të tërhiqen pranë vetes,
të shkunden,
Grise dhe copën e tyltë,
që mbulon atë hark
epshndjellës
të nenbarkut
që mbaron në
trekëndëshin e zjarrit.
Gishti yt
mbaron misionin e tij,
në çelësin e abazhurit
dhe....gremina e errët
mistershëm
pret të të
....gremisë...
No comments:
Post a Comment