Ragip Dragusha - FOL PRA SHQIP

Ragip Dragusha

FOL PRA SHQIP !

Fol pra shqip! - po du me t'thanë,
Për ty rreshtat jam tuj shkrue.
N’se ke lindë ti prej një nane,
N'gjuhë të saj me kuvëndue.

Unë e di se vendi huej,
Gjuhën e nanës s'ta kupton,
Por shqiptarit, sa herë t'muejsh,
Foli shqip, se t'adhuron.

Porsi shpirti i ndamë në dysh,
Kur ti foshnjën sjell n’ jetë,
Ashtu ndaj gjuhën përgjysë,
Se t'huejën e mëson vetë.

Mos mendo se gjuha e huej
Emrin "nanë" ka me ta ndrrue,
Kurrë ndodh s'i ka kërkuj
N’ gjuhë t'huej me lëngue.

Këndo pra ti gjuhën e nanës,
Siç këndon Zana e malit,
Siç ia thotë bilbili kangës,
E t’përcillet djalë mbas djalit.