Dëshira Haxhi - PËR TY!

Dëshira Haxhi

PËR TY!

Kam punë kësaj nate,nuk më flihet,
Do ngre kufij sonte, do ngul pikjada,
Mes resh në qiellin e nxirë,
Do të ndahet dita nga nata..

Jetë…ringjallje, në hapësirë.

Si pikë orientuese, një drithërim lirie,
Që shekujsh vjen me drithëron,
Përmes kurthesh e pritash pabesie,
Më kërkon... Më zbulon… Më gjykon…

Një drithërimë e egër lirie…

Në mes engjëjsh të pafaj endesh Ti,
Edhe mes demonësh, gjithashtu,
Shpirtra endur gjer ne yllësi,
I kam afër... I kam larg... Janë këtu...

Robëria dhe Liria… Je veç Ti...!

Ndaj dhe sot nuk kam gjumë, ngre kufij,
Nata ndahet përmes dritash... Në verbim,
Nëpër natën e pagjumë, je dhe Ti…
Nëpër ditët…Veç një ëndërr’... Drithërim!

Ngre kufij... Shemb kufij…Një marrëzi…

Thonë që e ka emrin : ”Lumturi…!”