Skënder Rusi - VJESHTA

  

Skënder Rusi

VJESHTA

  

Vjeshta këto ditë është kthyer në mollë,

Që e kafshojnë të gjithë pa e pyetur!

Më trishtojnë degët e saj pa kokrra,

Dëshmi të një kohe që ka vdekur!

Vjeshta këto ditë është kthyer në grua,

Që s’merret me veten, se sapo ka lindur!

Më trishton mungesa e ca gjërave të bukura,

E ca zjarreve që tani janë fikur!

Por edhe kështu unë e dua,

Edhe mollë,

Edhe grua!...