Agim Bacelli
JAM MËKATAR*
Bëra gabimin e parë
Pastaj dhe një tjetër gabim
E kështu, mijëra me radhë
Çdo ditë, natë, pa mbarim.
Gabimet mu bënë mure
Muret mu bënë fortesë
E unë mbret brenda tyre…
Një mëkatar do të mbesë.
Harroj se qielli ka dritë…
Harroj se qielli do dritare
I puth gabimet për ditë
Me Terrin lidhem për fare…
Befas kuptoj, jam burgosur…
Lutem mos dal më në dritë
Mes mëkateve murosur
Të vdes nga pak për ditë.
No comments:
Post a Comment