Vjollca Tiku Pasku
LINDJA PRANVERORE
Sot qielli lindi pranverën,
përzuri shpërgënjtë e ngrysur të
reve,
përqafoi diellin e artë,
me rrezet ëmbëloshe,
që zgjidhën pemët
nga lëkura dimërore e trishtimit,
dhe nëpër degë lulëzuan sythat e
parë,
me buzëqeshjen e blerimit.
Tashmë yjet ndezën vatrat
të shkëlqejnë qiellit më shumë se
çdo herë,
disa embrione të kuq të tyre,
ranë me flatra në tokë nga lart,
të xixëllojnë me dritë yjore
në zemrën e çdo luleje nëpër
natë.
Pranvera po shpërndan,
thesaret e mbretërisë qiellore,
ngjyra, jetë, gjallëri,
dhe me një aluzion vjollce
fërfërinte në zemrat njerëzore:
“Bukuria e qiellit u bëftë
shija e qumështit në jetën
tokësore”
Sot fryma e pranverës hyri dhe në
shpirtin tim,
do e ruaj të shenjtë nga ngricat
e dimrit dhe ciknat e erës...
Mirë se vjen moj pranverë me
jetësorin blerim!...
No comments:
Post a Comment