Kostaq Duka - NË DITËN E NËNËS

Kostaq Duka

NË DITËN E NËNËS

E mbajta hapur ashensorin

në pritje

të një plake të imët, me hap të dridhur.

Një shekullore

si pemë degëvarur,

e ndihmova

derën e apartamentit të vet të hapte

(hapësira e ngushtë e vrimës së bravës  eh  sa po e mundonte!)

Një tjetre i ngrita çantën që i’u rrezua për toke,

buzëqeshje dashurie e përqafime fala si asnjëherë.

Gjithçka e gjithçka e fala pa teprim në Ditën e Nënës

duke mundur sa do pak mallin për të voglën e të mirën time

që veç zërin ja dëgjova tek  i përcillja së largu të ngrohtin urim

Fatmir Terziu - PESË GOTA

Fatmir Terziu

PESË GOTA

Pesë gota do të thyej sonte,
të parën për të parë sa yndyrë ka qelqi,
të dytën për të parë si zhduket njolla e buzëve,
të tretën për të parë vetë riciklimin,
të katërtën për të parë si e ndjejmë trishtimin,
të pestën për të parë dehjen pa vetë gotën,
që mblodhi brenda helmin,
për të ndjerë si e shkatërrojmë Botën,
ndërsa të mbaj fort e ta shtrëngoj belin. 

Alexandra Adami - PLAGA E ÇAMËRISË

 Alexandra Adami

PLAGA E ÇAMËRISË

Erërat që kanë fryrë mbi ty,
të venitën Çamëri...!
Ti akoma rri në këmbë,
shpresë kërkon për plag’që dhëmb.!

Shumë doktor të panë me sy,
po ilaç nuk kish për ty..!
Kjo sëmundje po të tret,
bijtë e tu për ndihmë thërret..!

Zë i mekur, i plagosur,
të mos vdesësh ke vendosur.!
ÇAMËRI, oo ÇAMËRI,
ç'plag të madhe mbanë në gji..!

10 vjeçarë me radhë kaluan,
plagën dot nuk ta shëruan.!
Si gangrenë të tret ngadalë,
o,plag’e hidhur, frymën ndal...!

Skënder Lazaj - NJËMIJË E NJË HERË

Skënder Lazaj

NJËMIJË E NJË HERË

Njëmijë e një herë ju luta në përgjërime
Mos t'më shifte në sy,se do më linte të mjerë
Sa herë më ndeshte,aq herë bënte 'krime'
Edhe pse isha lutur njëmijë e një herë !

Përbetohesha sa herë që isha larg.
Se sytë e saj s'do i vështroja më kurrë
Por t'mit' m'tradhtonin e si ndaheshin aspak.
Me vehte thosha-po si su bëra njëher burrë ?!

Por ata sy s'ishin thjesht shqisa për të parë
Prej tyre lumenj ndjenje të zjarrta rridhnin
Ka momente kur burri burrërin e lë mënjanë
Ka çaste që ja vlejn t'falesh zemrën e shpirtin!

Përparim Hysi - AH, SI QENKA DASHURIA!

Përparim Hysi

AH, SI QENKA DASHURIA!

Ah, si qenka dashuria!
Të llaston kur je dhe gjysh!
Unë tani një burrë me thinja
Dashuroj... pa si e qysh?

Ja,shiko një bukuroshe
Seç më thotë mua bukurosh
Epo kjo është e pashoqe
Pleqëri, moj, mbetshë shëndosh!

Sado që jam si pikëpyetje
Gati këmbët i heq zvarrë
Dashuria-burim jete
Zë e pi dhe bëhem djalë.

Dhe lastohem a s'llastohem
Unë tani sikur kam vënë krah
Them të drejtën: hiç nuk ngopem
Dashuri... edhe sevda...