Ymer Nurka
FLLAD
Farfurin kjo gusha, fërfërin fustani,
Tek fërgëllon shpirti, më flladitet xhani,
Lloje-lloje perlat, nuk blihet gjerdani,
Ti mban xhevahire, mua më ndjek nami...
Për zjarret që ndeze, mua më del tym,
Zjej e zjej përbrenda, sikur të jem gjym,
Unë të lyp, si vesa, ti tretesh, si brymë,
Më shket nëpër gishta, si të ishe frymë...
S’di ç’të bëj i ziu, thuamë ç’të bëj unë!
Të rrjedh, si burimi, a të shfryj si lumë?!
Të të mbys të tërën, në dallgë e në shkumë,
Të të marr me vete, kam frikë se të humb...
Nëse më del bregut, do të vë në gjumë,
Ndër tinguj ninullash, xhane do të tund,
Në pritje të zgjohesh , do të fryj furtunë,
Gjersa ti të çohesh, do të pres në gjunjë…
Farfurin kjo gusha, fërfërin fustani,
Tek fërgëllon shpirti, më flladitet xhani,
Lloje-lloje perlat, nuk blihet gjerdani,
Ti mban xhevahire, mua më ndjek nami...
Për zjarret që ndeze, mua më del tym,
Zjej e zjej përbrenda, sikur të jem gjym,
Unë të lyp, si vesa, ti tretesh, si brymë,
Më shket nëpër gishta, si të ishe frymë...
S’di ç’të bëj i ziu, thuamë ç’të bëj unë!
Të rrjedh, si burimi, a të shfryj si lumë?!
Të të mbys të tërën, në dallgë e në shkumë,
Të të marr me vete, kam frikë se të humb...
Nëse më del bregut, do të vë në gjumë,
Ndër tinguj ninullash, xhane do të tund,
Në pritje të zgjohesh , do të fryj furtunë,
Gjersa ti të çohesh, do të pres në gjunjë…
No comments:
Post a Comment