Raimonda Moisiu - LOTOJ…

Raimonda Moisiu

 

LOTOJ… 

Ç'ish ai zemërim sysh?...Ç'ish ai zemërim-kaltërim?...

Kur unë jam mikja jote, a nuk ndjehesh dhe ti miku im?...

.-.

Kur heshtur zgjata buzët (në ëndërr) të të puthja ty,

Ç'ish ai zemërim, që të kaltëronte në sy?....

.-.

M'u venit dëshira e jetës, si kallëz në korrik,

Nga goditjet e pamëshirta të thashethemit-kamxhik.

.-.

Pas kësaj nate, për mua vec netë të ftohta si metal,

Shkak- vetëm një ëndërr e zemërimit tënd fatal..

.-.

Pas kësaj nat’ëndrre - vetëm ditë aq të mërzitura,

Si djerrishta të zhegulluara e të përzhitura...

.-.

Po thellë në qenien time kumbonte zëri im:

-Shpagim për të ligjtë!...Për intrigantët, shpagim!...

.-.

Lotoj për ëndrrën time, të rrëmbyer egërsisht,

Lotoj për zemrën time, të ndrydhur pafajësisht...

Haxhi Dikolli - JAM GJENERAL

Haxhi Dikolli

JAM GJENERAL

Çfarë hemisferë të pushtoj?
Ku t’i shtrij krahët gjerësisht?
Mbi ç’meridian të fluturoj,
a ç’paralel tëndin, të brishtë ?

Të shtrihem gjatë në tropik,
a Antarktidës të rrëshqas?
Mbi ç’hemisferë të pushoj,
a ç’ekzotikë të nuhas ?

Cilën hemisferë të të pushtoj
unë gjenerali pa ushtri?
Cilin cep të buzës të të mbroj,
që ke merak më shumë ti?

Të të pushtoj ti ke dëshirë,
apo manovra do t’i quaj ?
Si gjeneral kam qenë i mirë,
por si ushtar po pres e vuaj

Luan Xhuli - NGJYRË FRYME

Luan Xhuli

NGJYRË  FRYME

Kam pire gjakun tim një jetë tërë,

pa akuzuar asnjeherë gjakpirësin…

Prej dhimbjes,

prerjes dhe thikes se ndryshkur,

u bera pre dhe mbiemër frike,

pa llogaritur emrin e asnje  trimerie.

Ai gjak,

nuk qarkulloi ne rruget e zakonta,

as ne zemer

te pershendeste  dhomezat e mikpritjes.

Shijen e embel te nje hidherimi,

edhe stomaku e quajti  tradheti

dhe foljen ku qetesohet etja

goja e perkufizoi me dyer te mbyllura…

Banon , nje zone veriore mbi balle

me lumenj te vegjel te fryre nga permbytjet

dhe floket  ne  te bardhen verdheruar,

u prene si drure  rezuar nga  rrufete…

Vazhdoj te pi ate alkool shpirti,

duke vjedhur dhe pasuruar gjakpirsin e pafaj.

Do te jem ketu,

derisa gjaku dhe shpirti te njesohen

ne embelsi

dhe ngjyre…!

Kostaq Duka - SA PER NJE JETE

 

 

 

 

 

 

 

 

 

 

Kostaq Duka

 

SA PER NJE JETE

       -triptik-

 

Kthim në bahçen e vjetër

 

Për trishtimin tim

s’kishin faj lulet,

as toka e zezë

djersitur nga mundimi i lindjes.

Pikëllimi im

rrënjëzohej në dhimbjen që me ikjen tej

kisha humbur

të drejtën e kopshtarit, kujdestarit të luleve.

 

Një pemë –një pyll

 

Me linjën ekspres

të mallit e padurimit

po shkoj në vendin e lindjes.

Thjesht për të mbjellë një pemë,

në kodrat lëkurë reshshkur nga bora e dielli

ku dikur akacjet më nanurisnin fëmininë.

 

Po shkoj…

Thjesht për të mbjellë një pemë.

Eh ç’pyll do krijohej

sikur pas meje të vinin

me mijra të ikur të tjerë!

 

Sa për një jetë

 

Pas shtëpisë së parë

mes një pylli të blertë,

një të dytë e bleva

pranë oqeanit  dallgëmadh të sertë.

Thashë pas kësaj

se shtëpia e vjetër

me gurë të zinj e tjegulla argjile

nga kujtesa do të tretej si një gjë pa vlerë.

Por jo!

Edhe pse shtëpitë e reja

më falin ngrohtësi dhe rehati

e vjetra me postë më dërgon pareshtur letra:

Mos u bëj i marrë!

një e fjetur tek unë

vlen sa për një jetë të tërë!

 

Aleksandra Adami - LIBRI MAGJIK

Aleksandra Adami

LIBRI MAGJIK

Doja të flija po gjumi s’më zinte,
iu luta librit vetëm të mos më linte.
U shtriva ne njërën nga fletët e tij
germat më mbuluan tamam si magji

Dhe nisa udhëtimin magjik si zog,
të fluturoj e të zbres prapë në tokë.
Si petale lulesh germat me mbuluan,
nëpër faqet e arta sytë më qëndruan.

Si margaritar gërmat zunë ndriçonin
mendimet magjishëm m’i zbukuronin...

Pasi gjumi nisi ngadalë të më zinte,
një pemë e blertë freski po më sillte...